chiara410

La portugala Muzeo pri Gazetaro lanĉis en ĉi tiu semajno la version en Esperanto de la Virtuala Muzeo de Bildodesegno. La nova versio estis premiere vizitata de la Ministro pri Financoj dum la ekspozicio 'Bordallo Pinjero: genio sen landlimoj', en la ministrejo, en la portugala ĉefurbo Lisbono.

De nun oni povas trovi la akuratajn informojn pri karikaturaj festivaloj kaj novaĵoj ĉe
http://www.cartoonvirtualmuseum.org
en tri lingvoj (la portugala, la angla kaj Esperanto). La Virtuala Muzeo de Bildodesegno estis oficiale lanĉita en novembro 2005, dum malfermo de la 8-a tutmonda festivalo PortoCartoon. La inaŭguro de la retejo estis farita de la potugala Ministrino pri Kulturo, akompanata de la prezidanto de FKO (Federacio de Karikaturaj Organizaĵoj), kaj ankaŭ de la prezidanto de la ĵurio de PortoCartoon.

Ĉi tiu virtuala muzeo estas la plia ŝtupo kadre de la atento, kiun havas la Gazetara Muzeo de Portugalio koncerne karikaturojn kaj desegnon, ekde sia inaŭguro en 1997. La celo de la virtuala muzeo implektiĝas kun la Internacia Galerio pri Karikaturo, kiun oni kreos, kaj kiu intencas tutmonde diskonigi la gravecon de la humuraj desegnoj en nia mondo.

__________________
Et in arcadia ego